查維斯起孖香港飛馬大破夢想FC

香港飛馬甫開賽便不斷施壓，28分鐘由祖連奴搏得12碼，並由利馬操刀開紀錄，夢想FC於5分鐘後扳平，希堅奴把握角球攻勢，門前撞入破網。惟飛馬於完半場前由查維斯窄位射成2比1領先半場。力圖失復失地的夢想FC於換邊後不乏攻勢，但久攻下反被飛馬將比數拉開，76分鐘查維斯把握反擊殺入禁區射成3比1，加上佐佐木周完場前「埋齋」，飛馬大勝4比1全取3分。

轉踢中堅陳肇麒「等人畀分」

今場轉踢中堅兼表現出色的飛馬隊長陳肇麒表示，早在泰國集訓時已適應新位置，對今仗表現他謙稱：「失咗一球扣啲分，畀分就等人哋畀啦，最緊要都係球隊贏波，只要幫到隊波，教練安排自己踢任何位置都會踢。」夢想FC主教練梁志榮坦言對賽果感到失望，認為球員重犯上季出現的毛病，但就喜見隊中如林樂勤、朱偉鈞及彭超然等年輕球員有所進步。至於同日另一仗冠忠南區對凱景的賽事，因天氣惡劣及場地積水而取消。