佳聯元朗用拚勁迎擊
港超聯今日下午2時30分即上演「新界打吡」，佳聯元朗於元朗大球場迎擊去季聯賽亞軍和富大埔。佳聯元朗今季人腳變動頗大，除球員外，教練亦換上剛卸任香港23歲以下代表隊主教練一職的郭嘉諾。「郭Sir」今夏雖忙於帶領港隊出戰亞運，但他表示對元朗十分了解：「之前已經有開始跟元朗練波，加上簽新球員前，都會畀我睇過，所以都好熟悉班球員。」他亦感激球隊兩位「老大哥」幫忙：「去印尼前我有交低套戰術畀佢哋，亦執行得唔錯，好多謝法比奧同葉子俊喺亞運期間同我講番球隊情況！」球隊陣中有港超經驗的球員不多，「郭Sir」期望一班小將踢出拚勁：「我會畀時間同耐性佢哋去磨合、適應，最緊要係踢出嚟要有火！」
堅Sir「大把貨」刺激球員競爭
和富大埔今季要應付本地賽事及亞協盃兩條戰線，羅致了陳肇鈞、歐陽耀冲、勞高及楊賜麟等球員，外援方面亦引入澳洲中鋒哈利。「綠戰士」早前赴泰國集訓，期間跟3支泰超球隊拍跳，儘管3戰皆敗，但主教練李志堅覺得集訓效果不俗，惟期間有球員受傷屬美中不足：「集訓效果係好，只係期間勞高同哈利一對前鋒受傷，而黃威亦病咗一段時間，令計劃出現咗偏差，結果球隊喺嗰方面個效果係睇唔到，不過佢哋依家都復番操。」大埔今夏有陳俊樂、迪亞高及謝家強離隊，但「堅Sir」認為球隊兵源較充足，會刺激球員間的競爭：「球員佢哋都知道，位置之間個競爭係大咗，所以爭勝嘅信念要好堅決。」