直播EF2018全港青少年搏擊大賽 轟炸機仔女徒弟齊登場

主辦比賽的中國香港綜合搏擊運動總會是首次舉辦青少年賽事，總教練向柏榮指要為未來出一分力：「我見到搏擊運動有啲斷層，運動員喺十幾二十歲先開始訓練，喺佢技術仲未成熟嘅時候就已經要退休，所以我就想從小培養青少年。」而且他亦期望：「細路仔始終唔係一個明星，相對上買飛人數就會少啲，但我相信一定要有人去推廣，令到大眾明白搏擊運動係咩，慢慢希望更多人可以一齊參與。」

綽號「轟炸機」的向柏榮今次亦派出一對子女向籽羲、向籽嬴參賽，他們今個暑假積極備戰，更一星期練足6日！終於來到比賽日，就讀林大輝中學中二的「籽羲」坦言有點緊張，卻強調勝負並不是最重要，重要的反而是能否將自己練習所得發揮出來。至於升讀林大輝中學中一，將與哥哥做同學的「籽嬴」指小學的副校長、主任和中學的校監都會來觀賞，希望在他們面前打場精彩的比賽。

向籽羲（左）及向籽嬴今晚將上擂台獻技。（陳焌鏗攝）	向柏榮（左）	向籽羲（左起）、劉肇洋、邵顯揚和俞俊維4個「師兄弟」，今晚會在不同場次，齊齊努力！

李俊亨同泰國好手爭「外卡」

今晚壓軸出場的專業排名組65KG賽事，由榮拳館的李俊亨對Fantasy Muay Thai的Mitjaroen Thongin。勝方將會取得「外卡」到日本參賽，作為向師傅徒弟的李俊亨表示：「我覺得我嘅優點係走位、投摔，雖然我都有睇對手嘅片做準備，但我覺得最大嘅對手係自己，如果喺比賽入面克服到自己嘅弱點就已經好好。」

「流星搥」劉肇洋：我要做李小龍！

綽號「流星搥」的劉肇洋昨日為賽事進行過磅，準備今晚出戰《EF2018全港青少年搏擊大賽》男子22kg兒童組賽事。近日不斷苦練絕招「Superman Punch」的他，直言有信心擊敗對手。

近日在網上流傳「流星搥」大戰巨人的惡搞圖，令他成為風頭躉，雖然他今晚會於on.cc東網直播時段的揭幕戰上陣，卻完全沒有壓力，還神氣地道：「我會叫埋啲同學睇Live。」。

原來除了搏擊，他耍雙截棍亦有一手：「我偶像係李小龍，我屋企有兩支雙截棍，我自己睇李小龍啲片跟住學佢打，《死亡遊戲》、《精武門》我都睇過哂！」偶像竟然不是向柏榮或曹星如，反而是李小龍，說不定年僅6歲的「流星搥」將成為一個武打巨星。通常小朋友比較喜愛足球、籃球運動，「流星搥」卻選擇綜合搏擊，他謂：「因為打籃球我就唔夠高，打拳贏咗就開心囉。」

至於網上惡搞成為劉肇洋「對手」的俞俊維，得知該圖被瘋傳後笑稱不介意：「我唔嬲，不過好瘀囉，好𤓓啊！」十分「大件」的他學過跆拳道幾年，雖則有武術底子加上身形優勢，他卻謙稱：「我都喺平常心參加，身形其實各有各優勢，矮小的可能更靈活。」其實他與「流星搥」分屬好友，日常都有一起訓練，今次各自參賽不同組別，一班師兄弟齊齊努力。