歐鎮銘感激家姐勝出香港打吡
「副院長（蔡玉坤）話我能力唔差過家姐，雖然可能遲咗啲，但終於做到，證明佢無錯！」香港壁球界「姊弟兵」歐詠芝與歐鎮銘（Leo）廣為人知，惟Leo成就一直未及姐姐，昨日他於亞運壁球男單決賽擊敗隊友李浩賢，終與姐姐齊名，用成績宣布他並非「歐詠芝細佬」，而是寫下香港歷史的歐鎮銘！
昨日決賽由歐鎮銘及李浩賢上演「香港打吡」，兩人開賽後亦展開拉鋸，每分都對拉超過10板，令現場觀眾看得「嘩嘩聲」。惟Leo在體能上佔優，終以11比8、12比10、6比11及11比4，總局數勝3比1，奪得香港今屆亞運第3金！
兩年前交通意外受傷，令Leo經歷過人生低潮，當時陪伴在旁的正是姐姐歐詠芝。昨日決賽歐詠芝亦特意到場支持，Leo賽後指縱使奪金，仍留有遺憾，希望可與姐姐齊踏上頒獎台：「要特別多謝屋企人，唔開心時都有佢哋陪住我。個人賽唔可以一齊拎牌，係有啲美中不足，但我絕對相信佢有能力擸牌，下次仲有機會！」「詠芝」能夠見證至親創造歷史，亦相當興奮：「有呢個細佬好驕傲！之前大家會講佢只係睇住我攞獎，其實佢表現唔差，今次終於證明到自己，仲有就係香港除咗女子隊外，男隊都好有進步！」