港籃今戰寶島集中守外線
香港男籃繼續發揮打不死精神，今午5時於亞運C組分組賽硬撼最大勁敵中華台北，主教練安慶健認為集宿令全隊默契逐漸形成，即使對手實力較高亦並非「冇得打」，陣中最年輕小將楊睿騏更「自斷六親」專注比賽，誓要創出奇迹！
港隊去仗尾段打出超水準，憑三分雨一度逼近「巨人」卡塔爾，完場後就連對手及評述員都讚賞港隊表現。不過今仗對手中華台北首戰擊敗日本，躍居此組首名大熱，安Sir指兩軍打法接近，今仗將防守火力集中於外線：「中華台北有好多射手，個波傳番出去後得分力好強，所以今場協防方案要做多啲提多啲。」安Sir坦言今仗會是「64波」，不過他覺得球隊新舊磨合上已見進步，尤其是隊長鄭錦興不時於場邊提醒年輕球員，賽後檢討時亦發揮出領袖角色，讓全隊心態更「定」。
楊睿騏「自斷六親」更專注
年僅20歲的楊睿騏（Ricky）亦在舊成員帶領下愈打愈順，Ricky今季於東方龍獅表現出色，首次出戰亞運，面對比想像中更高大的對手，他深信「每人行多步」便可成功：「呢度環境更易令人集中，冇香港咁有其他嘅影響，冇電視、上網都唔係好快，令到自己更有紀律。」