陳7轉打後衞咩玩法？
上季排港超聯賽第3的香港飛馬，昨午假九龍仔公園進行公開操練，正式公布由前傑志足球學院課程及教練培訓總監柏度擔任主帥。領隊文彼得透露，球隊新一季班費約1,500萬港元，數目視乎會否再有人腳變動而增加，希望盡全力爭奪聯賽錦標，「文總」又透露前鋒「陳7」陳肇麒或會因應需要，轉型出任後衞。
現年29歲的柏度，曾執教澳洲青年聯賽球隊及廣州恒大青年軍，雖然今次是首次執掌一隊，但他認為自己對本地足球有一定認識，可以勝任球隊主教練一職︰「我對聯賽有所認識，近兩年亦喺傑志工作，所以並不存在問題。我對球隊十分滿意，從最近兩周嘅操練睇，球員態度良好，氣氛唔錯。香港飛馬上季有不錯成績，聯賽打入前3，今季亦有出色球員加盟，目前我哋需要研究出最佳部署，並逐場比賽不斷改進。」
「文總」讚新少帥夠Pro
對於柏度的工作態度，領隊文彼得表示欣賞︰「見到佢準備得好足，譬如逢禮拜一晏晝會同教練團開會，準備嚟緊一星期嘅練習，淨係呢樣已經覺得佢好專業。」談到新季目標，「文總」說：「所有球隊都希望贏到錦標，感覺上今年我哋人腳比舊年更強，希望向所有錦標進發，贏到盃賽固然好，但長遠嚟講，始終係聯賽比較重要。」
新球員方面，香港飛馬有上季效力陽光元朗的前鋒祖連奴、標準流浪前鋒劉智樂、中場佐佐木周、後衞張國明、和富大埔後衞積斯利、夢想FC中場廖培楓，以及前南華門將張春暉來投。祖連奴、劉智樂加盟後，「文總」透露「陳7」陳肇麒或會轉型出任後衞：「其實佢18、19歲都踢過後衞，考慮到球隊前鋒充足，希望陳肇麒轉型能夠為後防提供多一個選擇，當然都要視乎比賽當時嘅變化。」「陳7」亦表示以球隊利益為先：「又唔係被迫踢，係有需要先會踢後衞。教練踢法要用波，可能佢覺得我踢前鋒有技術，踢後衞嗰陣，用波方面就冇乜問題。」
新季以旺角場為主場的香港飛馬將於下月13日前往泰國清邁集訓約兩周，期間會與泰甲及泰乙球隊進行4場友賽。
「神貓」張春暉出山有任務
闊別本地職業球壇3年的前南華門將「神貓」張春暉，新球季已加盟香港飛馬，他表示：「我今次返嚟係學習，想睇吓現今足球最先進嘅地方，我覺得香港足球唔會同內地相差好多，好想親身再感受吓依家嘅足球，相信對我日後做教練會有幫助。」
以老帶新又教又學
香港飛馬現時除張春暉，還有梁興傑和吳駿發兩名年輕門將。張春暉學習之餘還有「特別任務」：「球隊搵我返嚟都想我以老帶新，傳授經驗畀兩位年輕門將。」他透露與梁興傑（09）已認識接近10年，他冀助「09」重返香港隊，不過現時的「09」還需鍛煉：「梁興傑體能可能唔係好夠，我哋希望將佢嘅身體條件調整到最好，減少傷病。」
張春暉曾助南華捧起一個又一個錦標。這個夏天來到香港飛馬，他卻志不在正選：「冇諗過同『09』爭位，因為龍門需要穩定嘅成長空間，如果佢開始踢得好嘅時候，你放佢去後備，會對佢造成打擊。另外，我希望今季可以幫飛馬爭取亞洲賽資格。」
香港飛馬新季職員名單
領隊：文彼得 主教練：柏度*
助教：基斯普*、黃梓豐
助教(體能教練)：朱偉霖
守門員教練：陳振宇*
新季球員名單
號碼 球員
門將
1 梁興傑
25 吳駿發*
66 張春暉*
後衞
7 陳肇麒
13 黃俊皓
14 積斯利*
16 羅曉聰
17 張國明*
19 羅斯
21 張志勇
23 雷傑明*
31 蕭嘉明*
33 周穎軒
號碼 球員
中場
6 麥保美
8 艾華
10 利馬
11 佐佐木周*
12 蕭俊銘
18 張憙延*
22 胡晉銘
29 廖培楓*
前鋒
9 劉智樂*
20 祖連奴*
39 查維斯
*為新加盟職球員