新一季的港超聯下月底才開鑼，一眾港超主帥除積極為季前訓練做準備外，其實跟普羅球迷一樣，全情投入俄羅斯世盃。當然他們觀看球賽的着眼點，會有別於一般迷哥迷姐，包括各國領隊的排陣部署及戰術運用等。假如決賽周所有球員可任由幾位「港超球隊揸弗人」調動，他們又會排出怎樣的無敵陣容呢？
擔任直播嘉賓評述表現大獲好評，令坊間「曉明粉」人數激增的新任理文主帥陳曉明，以「433」陣式來揀選其心水球星，門將屬意丹麥卡斯柏舒米高。「雖然丹麥16強出局，但以佢哋嘅實力已算難得，由外圍賽到16強，表現最穩定嘅就係門將舒米高。呢位名將之後，係分組賽入邊失波第二少嘅門將，加上擅救12碼，實而不華令隊友好放心。」「曉明Sir」謂。
陳曉明心水陣容（理文主教練）（433）
門將：卡斯柏舒米高（丹麥）
後衞：梅尼亞（比利時）、高甸（烏拉圭）、荷西基文尼斯（烏拉圭）、佐迪艾巴（西班牙）
中場尼高路簡迪（法國）、莫迪歷（克羅地亞）、菲臘比古天奴（巴西）
前鋒：基利安麥巴比（法國）、 盧卡古（比利時）、 艾斯高（西班牙）
新一季將執掌內地球隊R&F富力帥印的楊正光，非常着重中場，故選擇了「4141」陣式，卡斯米路會負起中場掃蕩重任，其餘4位都是創造力爆燈的「好波之人」：「卡斯美路攻守兼備，一旦失去控球通常都係佢第一個去做防守；基利安麥巴比同尼馬喺兩邊可不斷製造攻勢，夏薩特具創造力之餘，控制進攻節奏亦處理得好好，配合傳球準繩兼有遠射腳頭嘅菲臘比古天奴，呢條中場線好多教練都想擁有。」
楊正光心水陣容（R&F富力主教練）（4141）
門將：奧祖亞（墨西哥）
後衞：捷比亞（英格蘭）、高甸（烏拉圭）、史東斯（英格蘭）、長友佑都（日本）
中場：卡斯米路（巴西）、基利安麥巴比（法國）、菲臘比古天奴（巴西）、夏薩特（比利時）、尼馬（巴西）
前鋒：哈利卡尼（英格蘭）
「細榮Sir」球員時代同教波風格都極為勇悍，今次他揀選的「3142」陣式，3位中堅基爾獲加、堤亞高施華和高甸，全屬前鋒眼中的「危險人物」，配合防中尼高路簡迪，極具「殺傷力」。但「細榮Sir」指挑選他們貪其鮮會犯錯：「我揀嘅都係一啲好少會喺場上犯低級錯誤，踢法穩重嘅球員，就算決賽周前搏咗成個球季，但佢哋踢來依然好集中，做教練最希望擁有咁樣嘅球員！」
梁志榮心水陣容（夢想FC主教練）（3142）
門將：奧祖亞（墨西哥）
後衞：基爾獲加（英格蘭）、堤亞高施華（巴西）、高甸（烏拉圭）
中場：尼高路簡迪（法國）、基利安麥巴比（法國）、莫迪歷（克羅地亞）、拿傑迪錫（克羅地亞）、菲臘比古天奴（巴西）
前鋒：哈利卡尼（英格蘭）、卡雲尼（烏拉圭）
雖然正努力為球隊升班籌募班費，但「大頭文Sir」馮凱文依然有抽時間觀看世盃，他的「4231」陣式，兩個防守中場位置選擇了尼高路簡迪夥拍莫迪歷。「簡迪掃蕩力喺英超已經充分顯示，有佢幫手無論中場定後防，都會踢得舒服好多。莫迪歷踢法機動，搶截有效率，轉守為攻起好大作用，佢仲多瓣遠射，一旦前鋒畀對方盯緊，就係佢發威嘅時候。」
馮凱文心水陣容（凱景主教練）（4231）
門將：艾利臣比加（巴西）
後衞：梅尼亞（比利時）、高甸（烏拉圭）、荷西基文尼斯（烏拉圭）、馬些路（巴西）
中場：尼高路簡迪（法國）、莫迪歷（克羅地亞）、基沙文（法國）、夏薩特（比利時）、菲臘比古天奴（巴西）
前鋒：哈利卡尼（英格蘭）