賽馬會青少年聯賽足總盃3王誕生

U18：互射12碼南區驚險捧盃

球會、地區隊大鬥法！由傑志對陣南區的U18決賽壓軸上演，雙方於法定時間打成1比1平手，需互射12碼分出勝負，最終南區以總成績5比3捧走足總盃。

傑志甫開場旋即採取主動，不過周衍丞的半推半射及路易斯的傳中波，只給南區門將汪宁智表演機會。而南區亦發動反擊攻勢，其中右翼鄭俊毅接應張哲恒的傳球後傳中，引致傑志龍門前一片混亂，蘇柏軒想補一腳不過跟傑志守將碰撞，皮球跌出底線。直至24分鐘，傑志亦錯失一次黃金機會，李泓謙斬入中路，南區守衞遲遲未能解圍，董兆鏗右路接應後近門大腳一抽，可惜中楣彈出，上半場兩隊互無紀錄。

傑志（藍衫）同南區今場出現唔少精彩埋門。

南區球員錫晒門將（黃衫）。

傑志錯失絕殺機會

易邊後，今仗首個入球終在57分鐘出現，為南區後備上陣的羅子悅接應張哲恒的傳送，門前起腳皮球清脆入網，為南區先開紀錄。信心大增的南區1分鐘後差點將比分擴大，可惜于楊的射門偏出。落後的傑志力求收復失地，終於在65分鐘憑角球攻勢，由馬俊樂頂入追平1比1。戰至83分鐘，李泓謙原本有望上演絕殺好戲，不過射門中柱彈出。兩隊於法定時間內維持1比1，比賽隨即互射12碼分勝負，先射的南區雖然率先「宴客」，不過傑志連續兩輪射失，最終南區以總比數5比3贏得冠軍。

傑志球員興奮捧起U16冠軍獎盃！ 傑志2:0自由人足球會	張廣然（左）快腳施射。	傑志教練鄧兆聰（中）讚賞入球功臣張廣然（右）及曾以行。

U16：傑志奪冠雙蛋贈自由人

訓練有素的傑志於U16決賽踢出水準，終憑張廣然及曾以行入波，以2比0擊敗自由人足球會，成功奪標。

甫開賽自由人足球會便有機會先開紀錄，前鋒鄧子傑左路發難，避過敵衞傳中，接應的盧家謙近門勁射卻中柱彈出。隨後的角球攻勢，中堅黃林峰近門起腳惜被傑志門將馮曉禮擋出，錯失開紀錄良機。

香港飛馬贏得U15冠軍！ 港會1:3香港飛馬	倪思恒（紅衫）於前鋒線表現活躍。	連入兩球咁醒，倪思恒（中）抵佢得戚。

化解兩次危機後，傑志踢到18分鐘終於有斬獲，中場蔡建中直線送前，張廣然接應射入先開紀錄。其後戰情膠着，31分鐘傑志左翼黃迪衍左路突破後勁射高出，未能拉開比分。37分鐘輪到自由人博得罰球，譚佑彰主射可惜角度太正，被馮曉禮接實。

換邊後，傑志憑反擊製造威脅，50分鐘張廣然左路突破殺入禁區射中近柱彈出，後上補射的蔡建中又未能射破自由人門將黃永康的十指關，及後再有黃迪衍左路突擊射過黃永康，但又被自由人隊長許卓倫護空門。落後的自由人仍未有放棄，70分鐘博得罰球由鄭灝朗主射，惟角度欠奉，之後譚佑彰左路快放後傳中，盧家謙近門起腳卻省中人出底線。臨完場傑志曾以行博得12碼，親自操刀中鵠，協助傑志勝2比0贏得今屆冠軍。

成功捧盃想鄧Sir請食飯

賽後傑志教練鄧兆聰指：「我哋全季都未踢過咁大嘅場，球員難免緊張，所以先求穩守，入咗波下半場就壓番上少少，加上成功箝制對手兩翼，令對手適應有困難。」至於入球功臣張廣然表示：「多謝隊友交波畀我，能夠入到波係意料之外。」而射入12碼的曾以行則謂：「本身都有練開12碼，所以操刀嗰陣冇乜壓力，淨係想快啲贏波，希望今次捧盃『鄧Sir』可以請食飯！」

U15：倪思恒入兩粒香港飛馬登基

賽馬會青少年聯賽足總盃U15決賽，由港會對香港飛馬，飛馬在倪思恒個人獨取兩球下，加上鄭浚軒建功，最後以3比1擊敗港會捧盃。

開賽未夠1分鐘，港會前鋒赤石龍我得到單刀機會，不過被香港飛馬門將朱梓軒及時出迎瓦解，及後港會先後兩次攻門，一樣未能把皮球送入網。香港飛馬站穩陣腳後開始反擊，更在8分鐘由倪思恒推入禁區射遠柱入網先開紀錄。4分鐘後，中場鄧筵霑長傳予前鋒鄭浚軒，後者控定狂抽入網，為球隊拉開比分至2比0。傾力反撲的港會終在36分鐘得到回報，中場傑利殊接應赤石龍我頭槌二傳，第一時間窩利笠入，為球隊追近比數完上半場。

易邊後，香港飛馬先後有左翼劉卓堯及左閘馬希偉起腳，港會亦有隊長林孝良推順遠射柱邊出界。把握力最好始終是倪思恒，個人突破殺入禁區射破港會門將基爾，個人梅開二度之餘，亦助香港飛馬以3比1奠勝，贏得足總盃冠軍。

成功搵港會報仇

賽後香港飛馬教練辜榮業表示：「球員按照原先制訂嘅計劃去踢，執行得好好，全場控制住戰局，呢個比數係喜出望外嘅，不過防守上有啲大意。」「辜Sir」續指：「今場我哋有3個正選球員嚟唔到，亦有位中堅上半場嚟唔到，調動上有影響，所以我哋將未踢過中堅嘅張哲浪擺後一格，今場佢都踢得唔錯。」

至於今仗取得兩個入球的倪思恒，「辜Sir」大讚：「佢喺美國讀書，最近返港同我哋練咗兩課，佢係一個有改變戰果能力嘅球員。」倪思恒則稱：「知道聯賽輸咗畀港會，所以返嚟好想幫球隊贏番一場，入到波就更開心。」

文：陳焌鏗、伍靖華／攝：袁志浩