主場惡過「經典公牛」勇士炒火箭41分

原本勇士嘅季後賽最大分差贏波紀錄係1948年大勝對手39分，而且上季杜蘭特加盟後，佢哋未試過喺季後賽主場輸波，已經連贏16場，比「波神」米高佐敦時代嘅經典公牛季後賽主場15連勝更犀利，意味火箭要喺Game4作客追平場數，非常困難。

居里歸位High到爆粗

比賽方面，經過第1節嘅3分6投1中，史堤芬居里喺第3節爆發，單節攻入18分拉開比數，期間佢完成高難度剷籃，更加興奮到向住觀眾席爆粗，話呢個係佢嘅主場。最後「咖喱仔」有35分、6個籃板同1次助攻，包括射入5個三分波，帶領勇士保住晉級優勢。相反，占士夏登得20分、5個籃板同9次助攻，導致火箭慘敗。