和富大埔反勝搶埋亞協位

昨日煞科戰焦點大戰,主場的和富大埔憑謝家強頭槌絕殺,2比1贏香港飛馬之餘,成功取代對手「2哥」之位,來季可代表香港出戰亞協盃。

兩軍爭勝意欲濃烈,飛馬雖作客踢來亦積極,11分鐘便由「陳7」陳肇麒施射得手先開紀錄,大埔今仗許勝不許和,落後下搶回不少攻勢,可惜未能轉化成入球,半場飛馬領先1球。易邊後主隊換入迪亞高加強火力,「綠戰士」終在69分鐘由艾華度追平。1分鐘後飛馬有艾華「食詐胡」,兩軍一直拉鋸至尾段,眼看飛馬可和波守住「2哥」位之際,大埔謝家強臨完場1分鐘頭槌破網,大埔終勝2比1,以37分力壓對手獲聯賽亞軍,兼取得亞協盃入場券。

蔡尚圻:獎金會令全隊好開心

為球隊奠勝的謝家強表示該入球為其生涯最重要一球:「今晚一定要好好慶祝!球隊未來仲有兩場決賽(菁英盃及足總盃),我哋會全力備戰!」至於主席蔡尚圻表明獎金一定令全隊「開心」:「大家咁肯為我搏,我唔會刻薄佢哋!每個有份踢嘅都會覺得呢場獎金好『開心』!」主教練李志堅賽後表現激動:「今場所有球員都好有決心同鬥志,真係好正!呢個運動應該係咁!希望大家盡快恢復迎接下仗!」

胡恩晴報道