各位球迷朋友，大家好，喺度我想同大家簡單預告一下，我哋夢想FC足球隊，下一季嘅方針會繼續重用年輕球員，崇尚活力同地面推進。
我哋陣容鼎盛嘅教練團隊，會盡力培育出更多年輕球員，為球隊嘅未來、甚至港隊嘅未來出力。不過，今時今日要搵既可以配合球隊方針，又具備品德同聽教聽話嘅年輕球員，可以話充滿難度。但有難度還有難度，要搵點都搵得到，大家嚟緊記得留意我哋嘅公布啦！
另外，好多球迷朋友關心我哋嘅組軍情況，現階段已經留用大部分球員，再加4至5個新球員就成軍。希望喺球隊上下共同努力，同埋球迷朋友嘅支持下，嚟緊嘅一季可以攞到更好嘅成績。
夢想FC CEO 梁智駒