當「千禧BB」轉眼已滿18歲，現代足球也隨時間洗禮瞬息萬變。成長於千禧冰河球市的東方龍獅主力「傻邦」梁振邦與「GPS峰」張健峰積極進修轉型，今夏更會雙雙執起教鞭，為東方龍獅青年軍孕育新星，期望觸發新世代思考，讓港足薪火相傳！
「因果循環，十多年真空期，係時候找數。」FB上的一時感言，張健峰雖未有言明所指，亦難免聯想到當今香港足球正陷斷層的尷尬處境。同樣成長於千禧初年低迷球市，梁振邦年僅17歲便初戰甲組聯賽，回首往事，「傻邦」直言有得有失：「千禧初年冇乜球會搞青年軍，我要到成15、6歲先開始接受系統訓練。當時球市麻麻，球員收入唔算高，但反而畀到機會我哋一班後生仔落場。」
為港足南征北討多年，3字頭的「張峰」與「傻邦」雖未言老，但亦未雨綢繆考取亞洲足協B級教練牌照，今夏更會於東方龍獅青年軍執起教鞭。向來在球場遇敵殺敵的「傻邦」也笑言緊張：「雖然呢大半年有喺香港青年軍幫手，但始終經驗尚淺，現階段最想將自己嘅經驗傳畀新一代。」
已是兩子之父的「張峰」也在不斷學習「教仔」：「踢波叻唔代表教波都叻，要向小朋友示範技術冇乜問題，但點樣透過言語去指導就有難度。作為球員如果做得唔好係自己問題，教練教得唔好就會誤人子弟。」在17年的高低起跌球員路上，「張峰」遇過不少恩師伯樂提攜，而年前主理教練培訓班的前足總菁英教練足達勇輔（右圖左），更為他帶來足球新思維：「香港教練慣咗教埋你點樣去做，但自己就唔會諗到點解要咁做，冇咗教練喺旁邊就會唔識踢。日本嗰套比較偏向引導小朋友思考，好似有時我哋會主動畀小球員劃分場地，佢哋會由最初唔識、到劃錯咗後一齊討論到劃番啱大細。兩種方法各有好處，以前嗰套喺技術上較為琢磨仔細，但依家足球戰術逐漸轉變，防守逼得好緊，更加要學識用腦筋思考。」
說起教波，「張峰」滔滔不絕，似乎已立心踢而優則教。這位新紮阿Sir期望能將足球理念，讓新生代應用在人生路上：「好似練波前將裝備整齊排列，練完波後要有手尾清理場地，呢啲都係好基本。曾經有小將練波遲到，『足達San』好奇怪點解仲可以慢條斯理要人等。香港小朋友天分同身體條件未必比其他亞洲地區差，但態度會決定高度。唔敢講自己可以做到啲乜，但希望可以改變到少少嘢，等年輕一代目光放遠啲，目標唔淨只係投身職業球員，而係做到最Top、甚至放眼海外。」
U13組別-2006年或以後出生
6月2日
7:30pm-9:00pm
U14組別-2005年或以後出生
6月3日
7:30pm至9:00pm
U15組別-2004年或以後出生
6月2日
9:00pm-10:30pm
地點：京士柏運動場（仿真草場）
截止報名日期：5月31日（詳情可瀏覽東方龍獅足球隊Fb）
5月13日（日）
冠忠南區 Vs 東方龍獅
香港仔運動場
下午2時30分
$80、$30（特惠票）
和富大埔 Vs 香港飛馬
大埔運動場
下午2時30分
$80、$30（特惠票）
標準流浪 Vs 夢想ＦＣ
深水埗運動場
下午2時30分
$80、$30（特惠票）
理文 Vs R＆F富力
將軍澳運動場
下午2時30分
$80、$30（特惠票）
傑志 Vs 陽光元朗
旺角大球場
下午2時30分
$150、$50（特惠票）