oncc東網×香港水足印定向直播水足印定向2018 星級大使為健兒打氣
由和富社會企業主辦、水務署及香港公開大學協辦、滙豐全力支持的「香港水足印定向2018」載譽歸來！參加者可以一邊體驗城市定向，一邊認識水足印概念，鬥智同時要鬥力！賽事至今已經踏入第六年，今屆賽事將於今日上午9時假旺角花墟公園展開，並且請來「純素媽媽廚房」Grace & Family、「五個小孩的校長」呂麗紅校長及「珠峰勇士」Elton吳俊霆擔任星級大使，替現場嘉賓打打氣！（on.cc東網周日早上9時直播）
星級大使「純素媽媽」Grace自1992年開始茹素，至今已26個年頭，子女亦於年幼時自己選擇茹素：「有一日我哋一家人食飯，成條魚擺上嚟，囝囝同我講話：『媽媽我真係好唔想食，點解你係都要逼我食。』於是囝囝3歲、囡囡5歲就開始茹素，之後影響到我丈夫都一齊食素。」
「純素媽媽」︰茹素更慳水
茹素多年，Grace坦言近年才留意素食與水足印的關係：「近幾年有好多唔同機構開始去研究，特別喺環保方面，食素嘅話唔單止係碳排放，連水足印方面差別都好大，我記得有研究發現：原來要生產1,000克蔬菜，只係需要300公升水；但如果要生產1,000克雞肉，就要6,000公升水，生產牛肉嘅話，更加需要16,000公升水去生產1,000克牛肉，水足印方面真係相差好遠！好慶幸我哋一家人食素，起碼唔會濫用資源！」
至於另一位星級大使元岡幼稚園的呂麗紅校長，於日常校園生活教育莘莘學子珍惜用水等概念：「教育小朋友珍惜用水，呢個環保概念非常重要！同我哋生活息息相關，所以我們都非常着重這個議題，喺校園都會滲入呢個重要元素，但係就唔係有特定課堂教小朋友，反而係潛移默化，例如去洗手間或平時飲水都會請他們要珍惜，同時話畀佢哋聽水有幾重要。」呂校長還表示很高興自己今年能任大使，學生及家長表現踴躍，紛紛報名參賽。
呂麗紅校長︰教小朋友環保概念
最後，曾與團隊奪得「水足印定向」公開組冠軍的「珠峰勇士」Elton則有小貼士給大家：「成個比賽過程跑同定向當然好重要，但最重要當然係溫多啲書、了解多啲水嘅知識，睇多啲水嘅資訊同水務署嘅資料！成個過程都係喺户外進行，記住比賽第二、安全第一，記住過馬路時要小心，遵守交通規則！」