大衞拉菲爾救駕！和富大埔反勝入決賽
和富大埔反勝闖菁英盃決賽！昨日上演的4強賽事，香港飛馬雖有林樂勤先開紀錄，惟大埔靠大衞拉菲爾在補時4分鐘射入罰球絕殺贏2比1，獲決賽席位。
雙方上半場互有攻守，大埔中場黃威初段兩度起腳考驗飛馬門將梁興傑，飛馬企穩陣腳後先開紀錄，24分鐘查維斯推順起腳射中門楣彈出，林樂勤上前補中得手。落後的大埔積極反撲，但趙少維及伊高沙托尼的攻門皆未能射破梁興傑十指關。
大埔易邊後50分鐘博得12碼，伊高沙托尼一射中鵠追成平手。但12分鐘後大埔卻「打少個」，翟廷峯侵犯查維斯被逐。以寡敵眾的大埔並未因而陷入劣勢，戰至94分鐘更憑大衛拉菲爾「彈地波」罰球收死梁興傑，最終大埔2比1反勝香港飛馬，取得5月19日決賽席位。
堅Sir勁High 激讚曾文輝
大埔主教練李志堅晉級後極為興奮：「足球最吸引之處就喺呢度！由落後至扳平，仲有個紅牌我哋都贏到！球員打得好好，非常開心。」但原來有件事更令「堅Sir」高興：「就算曾文輝好耐冇踢，佢明白到因為李瀚灝一路有好表現，我哋向來以表現行先，但都唔可以埋沒『德古』（曾文輝），佢今日出嚟表現好好，最開心見到呢啲！」