傑志力衝3冠旺角場撼夢想FC

上輪聯賽贏波後提早封王的傑志，上周三作客南韓全北汽車完結今屆亞冠之旅，返港後教練團即安排治療師為球員作按摩及冰浴，希望加快恢復進度。

隊內4名傷兵當中，只有科蘭於日前復操，主教練朱志光透露，不排除會再用曾出戰過上場亞冠的球員︰「一對中堅列斯奧同艾里奧目前仍有傷，加上部分外借過畀友會嘅球員如佐迪、李毅凱同鄭展龍，都未能喺菁英盃上陣，或者要用番一啲踢過亞冠嘅球員。」

細榮Sir：我哋都有優勢

上周在聯賽以1球僅負陽光元朗的夢想FC，雖未能終止連敗走勢，但主帥梁志榮認為球隊進攻已有所改善，只欠埋門一腳。今仗遇上勁敵傑志，「細榮Sir」希望把握手上優勢一搏︰「傑志踢完亞冠返到嚟應該都會休息，同埋佢哋要出兩個U22球員，默契上未必有之前嗰11個球員咁好，希望喺呢一點作出針對性部署。」

夢想目前僅得加倫受傷，前鋒祖亞昆傷愈復出，「細榮Sir」強調球隊十分重視菁英盃︰「始終覺得呢個盃賽好重要，因為我哋每場波都有幾個U22嘅球員喺度，希望把握呢個優勢爭取成績。」

何彥霆報道