標準流浪絕境求勝R&F富力勢不留手
今午深水埗運動場上演「中銀人壽香港超級聯賽」標準流浪鬥R&F富力。今季雙方兩度交鋒，富力錄得1勝1和優勢，自然希望「食過翻尋味」；榜尾標準流浪要全取3分護級才「有價講」，但4連敗近況低迷，能否如願「絕處逢生」？今午東網直播打甩髀激戰，球迷萬勿錯過！（on.cc東網周日下午2時30分直播）
標準流浪現時仍落後尾二的夢想FC 8分，倘若今日未能獲勝即告護級失敗，教練蘇洋希望球員傾盡所有：「剩低幾場比賽希望佢哋100%付出，通過每場經歷去增加經驗，同保持想贏波嘅態度。」冬季加盟流浪的日援佐佐木周表現稱職，在訓練期間不時感染年輕球員，蘇洋對其讚賞有加：「佢不時會鼓勵下啲年輕球員，例如態度同基本功，有時收操後仲會幫佢哋改善個人能力。」基於巴西中堅莫斯奧仍在養傷，後防調動略受影響。
吳耀星求接掌後首捷
南下的R&F富力情況相近，自首循環賽和流浪後，近4場同吞敗仗。代理主教練吳耀星自上月接掌帥印以來，仍未取得首捷，球隊餘下3場皆屬作客，自然希望趁遇弱有反彈演出。吳耀星形容球員漸入佳境，積極表現亦讓球迷看見希望，但今仗要盡量避免犯錯：「當你把握唔到機會時，對方把握到就懲罰到你。」富力近期刻意將隊中華人射手李銳移往邊線，吳耀星稱此舉為了增強防守：「希望防守方面緊湊啲同效率高啲，加上李銳近期畀我哋睇到佢係有喺邊路發揮嘅能力。」儘管富力王牌前鋒利安高上場聯賽傷出上陣成疑，卻有般連奴、楊子藝等傷愈復出，鋒力仍有保證。
文：陳焌鏗