吳俊霆醒你城市定向貼士
由和富社會企業主辦、水務署及香港公開大學辦、滙豐全力支持的「香港水足印定向2018」載譽歸來！比賽至今已經踏入第六年，參加者一邊體驗城市定向，一邊認識水足印概念，鬥智同時要鬥力！賽事今年有「珠峰勇士」Elton吳俊霆、「五個小孩的校長」呂麗虹校長及「純素媽媽廚房」Grace & Family擔任星級大使。
賽事當日，星級大使將會到場為一眾參賽者打氣，當中Elton吳俊霆更加係2016年「水足印定向」公開組冠軍隊伍。原來Elton自小便喜歡戶外活動：「由細到大都好鍾意跑步、玩好多越野比賽。比賽以外我自己一放假就會周圍行山，接觸大自然時，除咗做運動出一身汗好興奮，都會感受到人係好渺小，對大自然有敬畏之心。」
征服珠峰體會水資源問題
喜歡大自然及喜歡挑戰的心，令Elton於2017年成功征服珠穆朗瑪峰，成為第7位成功攀登珠峰的香港人，他在登頂過程對水資源亦有所體會：「尼泊爾本身係山嘅王國，好多人都住喺山入面，可能成世人都未見過樽裝水、馬路同車。佢哋大部分都生活喺溪邊，但如果居住喺海拔3、4000米嘅地方，嗰度基本上係無河流，一生人可能只係靠融咗嘅冰雪嚟生產飲用水，同香港相比水資源係非常困乏。其實我哋爬山都係飲冰雪融化後嘅水，但過程中要用好多燃料、器具，所以水好珍貴！而且我哋只係留咗短短兩個月，已經要面對好多水資源問題，相信當地人長期都要同大自然搏鬥，對每一滴水都有更深切體會！」
曾經與團隊奪冠的Elton有小貼士給「水足印定向」參加者：「成個比賽過程跑同定向當然好重要，但最重要當然係溫多啲書、了解多啲水嘅知識，睇多啲水嘅資訊同水務署嘅資料！成個過程都係喺戶外進行，記住比賽第二、安全第一，記住過馬路時要小心，遵守交通規則！」
有Elton的錦囊，希望大家比賽當天旗開得勝！想認識更多，可以瀏覽：waterrace.hk