東網on.cc 5:30pm直播好戲 理文陽光元朗冤家聚頭
今日「中銀人壽香港超級聯賽」好戲連場，其中理文假將軍澳運動場迎戰陽光元朗，理文上仗憑史提芬彭利拿「戴帽」，於菁英盃逼和和富大埔，令士氣大振，今場又有顏樂楓復出，火力進一步提升。另邊廂陽光元朗曾在菁英盃敗於理文腳下，隨着數名「橙軍」傷愈，再遇「冤家」必搏盡以求一雪前恥。（東網on.cc周日下午5時30分直播）
理文與陽光元朗於二月中曾在菁英盃分組賽碰頭，當時理文以2比1險勝，惟之後3場聯賽對和富大埔、香港飛馬及冠忠南區均告敗北，直到國際賽前夕再戰菁英盃，就憑着史提芬彭利拿大演帽子戲法，以3比3逼和和富大埔。教練馮凱文表示，該場為球隊打下強心針︰「士氣好番好多，始終之前我哋連輸3場，又唔係話打得太差。呢1分對士氣嚟講係好重要，今場『光頭』（顏樂楓）可以踢得番亦十分關鍵，有佢擔任中場掃蕩嘅工作，加上喺主場出擊有信心可以搶分。」
雖然理文前鋒利馬傷愈後狀態未足，未必正選披甲，不過「馮Sir」則指球隊在最近兩周的國際賽期的休戰期作出適當調整︰「最近我哋都打咗個新嘅陣式，依家都開始慢慢熟習，有兩個禮拜去調整，無論啲傷病同狀態都喺預期之中。」
「橙軍」叉足電
自奪得高級組銀牌冠軍後，陽光元朗持續有不俗表現，一口氣於聯賽取得2勝2和保持不敗。主教練曾昭達透露，在最近兩周曾批准球隊放假「叉電」︰「我知道有啲球隊選擇踢熱身賽，但係我哋選擇咗畀啲球員抖抖，始終之前嘅賽程都頻密，球隊上下都需要休息吓。」現時元朗除中場談樂軒傷愈後狀態未足外，人腳已接近「夫添」，故「達Sir」坦言，不會刻意留力應付足總盃，並希望球員在餘下4場聯賽爭取更佳表現，為下季做好準備。
何彥霆報道