勒邦占士連續866場雙位得分平波神紀錄

佐敦冇現身被指小器

雖然路夫因為腦震盪缺陣，但勒邦占士取得41分、10個籃板同8次助攻，帶領騎士重響勝鼓。相反，甘巴獲加有21分、2個籃板同4次助攻，加上「超人」侯活攻入19分及10個籃板，但都幫唔到黃蜂延續連勝走勢，當中甘巴獲加仲話球隊戰績冇改善，考慮下季走人。

勒邦占士對上一次單場得分唔夠10分，已經係11年前嘅事，或者有傳媒同球迷覺得，大帝嘅總冠軍次數同歷史影響力，始終同米高佐敦有距離，但佢有部分數據超越波神都係事實，所以有網友覺得，MJ咁啱選擇唔入場，似乎唔夠氣度喎。