半力出擊67：74負滿貫

「藍軍」需於2日內激戰兩場，因此在昨晚本地銀牌的陣容成為球迷焦點，東方收起「戰神」艾利諾及隊長李琪等ABL主力，兩位新球員丹尼爾及吳松峻亦先列後備，開賽兩軍防守嚴密打得緊湊，但滿貫的Bryant Austin 其後發威，首節個人攻入11分，東方亦有胡卓斌兩次勇闖對方籃底，助球隊追至11比17。第二節雙方更顯手緊，東方先後換入丹尼爾及吳松峻，球迷隨即起哄，丹尼爾及Bryant Austin其後上演單對單「對決」，亦令現場觀眾睇得投入。完半場前東方憑葉俊傑、鄧志恒、蘇志樂、鍾俊昇及劉子禮5位華將打出一波15比7攻勢追近，不過滿貫亦有張偉康連入兩球三分球，半場以35比26領先。
東方龍獅射手劉子禮（右）無懼連續兩日打硬仗。
東方龍獅射手劉子禮（右）無懼連續兩日打硬仗。

周四鬥標準福建爭復活

下半場東方有徐遠成兩次博得「And-one」，加上劉子禮再轟三分振奮士氣，一度追至只落後5分。此時滿貫有歐陽維江發力，帶領球隊擴大優勢，滿貫以52比45領先。最後一節東方眾將未有放棄，拚盡全力埋身緊逼，鍾俊昇最後半分鐘帶領球隊力追至67比68，他攻入全場最高18分，可惜仍未能平反敗局，東方被滿貫3位球員得分上雙，包括同樣攻入18分的Bryant Austin，最終以67比74不敵滿貫，落入負方後將於周四迎戰標準福建。

賽後鍾俊昇表示：「球隊同自己發揮可以再好啲， 第一二節唔夠集中，較多犯規，又係遲入局問題，搞到下半場自己先有得分，開始發揮正常。下半場表現脫胎換骨，主要係因為教練激勵我哋要追番每一球，落力啲走多步，所以成隊都做得好好，係團隊精神表現，下場對福建，我唔會理係正選定係後備，每一次出場都會盡力打好。」

「入樽王」丹尼爾東方龍獅首演即騷哥利。
  • 「入樽王」丹尼爾東方龍獅首演即騷哥利。
吳松峻（左）重臨修頓出戰冇怯場。
  • 吳松峻（左）重臨修頓出戰冇怯場。