雖然黃耀富「又矮又唔靚仔」，但表現欲爆瀉，就係咁喺年前畀電視台睇中，獲邀擔任體育節目主持，仲同冠忠南區門將謝德謙合作組成「找數兄弟」，喺螢光幕前作出多次大膽演出，當中包括「慘烈掹腳毛」、「驚嚇美少女戰士」等「冇底線」爆笑行為！
對於投身幕前，「Fu Dragon」就充滿自信：「我唔高大又唔靚仔又點？淨係講一句『喺TVB有邊個夠王祖藍搵錢多？』我無其他補充！」黃耀富仲話冇腳法唔緊要，最緊要「有染髮」……依家佢兩樣都有，實掂啦！