入球騷賀歲港聯港隊皆大歡喜

港隊3:4港聯
港聯反勝捧賀歲盃。

孝順仔劉智樂入處子球

港聯今仗「擺大個頭」，由利馬、基奧雲尼、蘇沙及盧卡斯合組最強鋒線，賽前自然被看高，不過開賽3分鐘，港隊就由隊長張志勇接應角球迎頂破網，繼省港盃後再有入球進帳。港聯落後下積極反撲，但港隊眾將亦表現落力，後腳傳送及倒掛解圍等「必殺技」一一盡出，睇到現場球迷「嘩嘩聲」。「撳住嚟攻」的港聯終在補時階段扳平，由基奧雲尼接應盧卡斯橫傳射入空門，以1比1完上半場。

下半場港聯未有放軟手腳，於5分鐘內連入兩球，先有狄卡奧建功，加上後備入替的「Mr.Right」高美斯助攻予好拍檔查維斯破門，港聯輕鬆反超前3比1。港隊於60分鐘有劉浩霖禁區內補射得手，一度追近比分，惟他們於85分鐘再度失守，被蘇沙近門掃入成4比2。而補替卓耀國而入選的劉智樂今仗亦有意外收穫，此子在89分鐘射破謝家榮十指關，取得成為大港腳後的首個入球，隨即以心形手勢報答媽媽，亦為港隊追近至3比4，掀起全場高潮。全場球迷即使在最後階段齊為港隊「集氣」，但最終兩軍亦再無增添紀錄，港聯以4比3戰勝港隊，捧起今屆賀歲盃。

劉智樂媽媽（右二）	劉智樂入波後做出心形手勢答謝媽媽。	大會安排醒獅表演向球迷拜年。
劉智樂（7號）取得成為大港腳後首個入球。