細威坐完月未夠態唔玩澳網

澳網衞冕冠軍S威廉絲宣布,因產後作戰狀態仍未回復到滿意水平,故決定放棄出戰本月中舉行嘅澳網。細威喺聲明中指出,自己喺阿布扎比復出後,感覺仍未適合出戰大滿貫,為此向粉絲道歉。另邊廂,WTA深圳公開賽昨日上演4強戰,舒拉寶娃以2比6、6比3及3比6輸畀捷克球手施妮雅科娃,「1姐」施蒙娜則以6比1及6比4勇挫羅馬尼亞同胞貝格,將同施妮雅科娃爭標。