火箭新年快落？慘勝湖人夏登傷出

韋斯布克射失累雷霆連敗

兩隊比賽中互有領先，但由於占士夏登取得40分、2個籃板同11次助攻後，第4節剷籃唔入攤落地拉傷左腳腿筋傷出，導致火箭陷入危機，好在基斯保羅有28分、6個籃板同10次助攻，包括雙加時期間得分兼助攻，協助球隊攻入22分，帶領火箭終止5連敗。賽後夏登被問到傷勢如何，佢咁回應：「落地後我就知唔多妥，而且跑唔郁，如果跑得郁，我肯定會繼續打，依家我要接受治療，希望唔會太嚴重。」據講火箭隊醫暫時都唔清楚夏登要抖幾耐，要等佢接受完詳細檢查至有定論。

同日，雷霆主場以113比116不敵小牛，3巨頭攻入84分都照輸，當中韋斯布克有38分、15個籃板同11次助攻，保羅佐治有25分、1個籃板同2次助攻，安東尼有21分、2個籃板同3次助攻，可惜韋斯布克完場前搶到籃板後，射失扳平3分，導致雷霆2連敗。