因為贊助商錢寶網涉嫌詐騙，西甲球會皇家蘇斯達波衫心口要「開天窗」過年！南京警方上周中喺微博發出通告：「錢寶網實際控制人張小雷因涉嫌違法犯罪，於2017年12月26日，向南京市政府投案自首。目前市政府正展開調查」。通告發表後，同錢寶網合作嘅皇蘇隨即「割席」，發出官方聲明話將撤下錢寶網嘅廣告。錢寶網係以1.5億歐元成為皇蘇波衫心口贊助，仲曾經有意等皇蘇主場Anoeta stadium喺2019年重建完後，攞埋個冠命權。