壓軸好波歡送2017理文夢想FC爭闖關
2017年最後一日繼續「好波獻給你」！理文與夢想FC將於旺角大球場上演足總盃首圈激戰，雙方力求以勝仗迎接2018年。早前受傷兵困擾的理文，經過兩周休戰期後，陣中如佐迪、黃駿軒及溫俊等球員均傷愈復出，可以強陣出擊；夢想FC在聯賽升做「3哥」，但今仗有防中梁國威及中堅柏保路因累積5面黃牌而自動停賽，此消彼長，今仗勝負難料。
（周日下午2時30分開賽）
馮嘉奇：勝負取決心態
理文經過兩周休養生息，目前傷兵僅餘患脊椎炎的年輕門將葉嘉宇，可望接近「夫添」出擊。雖然對手夢想FC剛於3日前才鬥完東方龍獅，兼有兩位主力缺陣，但領隊馮嘉奇提醒球員不能掉以輕心︰「喺聯賽除咗頭兩位嘅傑志同飛馬拋離咗之外，好多隊都爭緊第3名；其實各隊實力好接近，勝負取決於對爭勝嘅渴望。呢個係足總盃，唔可以成日諗住對手弱咗就有機會，而係要當對手係最強嚟踢。」
夢想FC短短4日內迎來第2戰，今仗更有梁國威及柏保路停賽，早前表明在盃賽傾向作輪換的主教練梁志榮，對陣中成員投信心一票︰「停賽對球隊影響唔大，我哋有足夠嘅後備去替補，班球員都了解教練團對佢哋有乜要求，無論邊個落場都可以做到呢啲要求，我對佢哋好有信心。」雖然球隊在聯賽升上三甲位置，成績令人喜出望外，但「細榮Sir」表示不希望球員背負過多壓力︰「今場會喺幾個位置上作改變，最緊要球員盡力應戰同做到部署，唔會畀球員太大壓力。」