夢想FC有個特別規定，就是每逢入球、入選港隊、或是接受傳媒專訪等這些值得高興的事，都要「招全隊（請全隊食飯）」！而在球員間興高彩烈說得最多的，就是「今餐到你招啦！讓全隊的士氣特別好。據隊長陳偉豪透露，開季至今4個月內，「招」得最多反而是17歲小將林衍廷「FAT GOR」：「FAT GOR成日有波入又靚仔，自然『招』得最多！其實我知道佢唔係咁滿意自己『招』得5次太少，以佢嘅能力絕對可以『招』多啲，我哋會盡量畀佢發揮！」
雖然多次被屈請食飯，但林衍廷笑言都是因為踢得好先可以「招」，故此絕不介意繼續：「好彩老闆娘見我細個就再收平啲，只係收我5百蚊就可以『招』晒全隊，如果唔係都幾大鑊！」