孝順波牛退役即幫屋企手
雖然雙親「怪叔」和「蚊姐」一直經營海鮮生意，但「子駿」從小除了食之外，對生意根本丁點兒興趣都沒有，一心只向足球方面發展。
惟隨着兩個兒子漸漸長大，「子駿」心態亦有轉變：「後生嗰陣冇諗過理家中生意，因為我只鍾意踢波。但我兩個仔慢慢大，我開始感受到做父母嘅辛苦，阿爸阿媽湊大我哋3個一啲都唔易，我係大仔，唔可以由得佢哋辛苦落去。我打算將來退役後就會幫番屋企手，唔係，應該係幫細佬手，因為佢已經開始接手，仲做得好好添。」
不過，「握手哥」強調尚未為退役定下時間表，目前只會全心全意為冠忠南區爭取成績：「呢2季幾喺冠忠南區，我踢得好開心，同隊友、會方都相處得好好，可惜嘅係球隊仲未捧到盃，我好希望可以盡快達成呢個全隊嘅目標，到時先再諗幾時退役啦！」