全球靚女殺到 BoBo升呢做演員

澳門大賽車Day3愈玩愈精彩，正賽開始之餘，各團隊車模亦進入作戰狀態，歐陽若曦團隊的VLT檸茶女郎一行4人進場，除咗首日見過的Hannah同Olga K，新加入來自台灣嘅Mia同俄羅斯靚女Olga S；至於每年都成為焦點嘅YOKOHAMA女郎，今年找來兩張清秀可人新面孔，兩人同樣來自廣州，一個叫貓貓，長直髮叫Joey。
BoBo今年唔做車模，仲「升呢」成為演員。
BoBo今年唔做車模，仲「升呢」成為演員。

CTM澳門電訊今年搞新意思，請來兩男兩女4位南韓模特兒入場打氣，立即搶咗唔少鏡頭，據帶隊人士表示，根本毋須介紹，大家一睇就知佢哋來自南韓，男嘅高大挺拔，女嘅美艷動人，相信廣大車迷都會鍾意佢哋。

帶女踩場拍短片

去年以一人之力奪得「傳媒眼中我最喜愛」亞軍嘅BoBo，昨以一身便服重返賽車場，她今年不再擔任車模，而是換個角色，帶一班女孩入場拍攝，自己擔任演員，感受氣氛。

「今年想轉個角色，主要是拍攝節目『歡樂馬介休』，是一個在社交網站的短片平台，自己亦是演員之一，不再做車模，自己都有少少唔捨得。」應傳媒要求，BoBo擺番幾個車模姿勢畀大家影相，亦樂意同車迷合照，相當玩得。

兩位南韓模特兒相當搶鏡。
  • 兩位南韓模特兒相當搶鏡。
YOKOHAMA賽車女郎每年都成為焦點。
  • YOKOHAMA賽車女郎每年都成為焦點。

「檸茶女郎」Mia身材甚有睇頭。
  • 「檸茶女郎」Mia身材甚有睇頭。
粉紅色制服勁罕見。
  • 粉紅色制服勁罕見。