香港女飛魚歐鎧淳昨接受電台訪問，透露最近教練轉新教法，因此需要較長時間練水：「依家練水多，今朝做Gym，下晝就游水，因為下年8月就係印尼亞運，諗緊會唔會游埋亞運退役。」她表示亞運未正式選人，但有信心可以入圍，至於退役就有很多不同意見，她說：「我諗住一步一步，之前都係咁，唔需要諗得太遠，最緊要睇2018年亞運自己游成點，當然想游得好，咁先有得揀繼續游定唔游。」
歐鎧淳講到兼顧游水及演藝時坦言很辛苦，而且拍攝時間很難就，但強調會以訓練及游水為先：「運動員如果想爭取好成績，除了訓練，仲要休息，冇可能兩樣一齊做，要分時段，放假先可以做演藝工作。」她坦言每次做其他工作都有問准教練，因此沒有被投訴：「運動員同教練係一個個體，唔可以唔尊重教練。（有冇同教練鬧交？）冇，佢好醒，知我下一步諗咩，會話如果我想就去啦，咁我就會諗吓係咪真係得。」