為李輝立平反︰Philip冇掠水！

找莫生做專訪，當然要他談一談其身邊的「球圈火辣人物」標準流浪總監李輝立！莫生直言要為他平反：「呢十幾年嚟，有好多人同我講，Philip成日『掠水』、係一名『球棍』，唔好信佢！但事實上，佢真係為球隊而好慳，唔會使多你一毫子！我哋有會計師核數，條數作唔到大，吞唔到錢！呢個人天生死慳死抵，搞到有時候我都唔高興佢，我成日同佢講『你唔好咁啦，對球員好少少啦！』但Philip就係咁知慳嘅人，即使呢刻我畀3,000萬出嚟，佢使到1,200萬我都話佢叻！老實講，其實搞呢啲中型班，唔慳住嚟使就無辦法細水長流，可能佢真係好刻薄，獎金都要逐分鐘計，變咗好多人唔鍾意佢，但Philip對本地足球壇、對流浪嘅貢獻，絕對係功不可沒。」