盼好友早日康復 葉鴻輝：打得一半唔夠喉！！
「神奇小子」曹星如在Instagram報平安，相信一班支持他的人都鬆一口氣。港足門神葉鴻輝與Rex分屬好友，多場拳賽都有入場支持，談到好友的情況，他亦十分擔心：「由佢腫咗嗰刻都好擔心佢可唔可以繼續撐到落去，每打完一局佢隻眼就不斷腫，佢嗰刻視線已經嚴重受到影響，好彩佢都堅持落去。Rex繼續發揮打不死嘅精神，好值得所有人學習。」
從新聞上得知Rex已經出院，「阿輝」亦對他送上祝福：「希望佢可以快啲康復，唔好因為今次受傷而有任何影響。」對於重賽問題，他說：「場比賽好精彩，打得一半就有啲唔夠喉，希望會有機會再睇，不過最緊要阿Rex完全康復先！」
張帥讚「偉大的鬥士」
而正在香港參加保誠網賽的中國一姐張帥亦表示很佩服Rex：「這兩天才認識曹星如這位拳手，我覺得他很偉大，我喜歡這種像鬥士的人，我覺得香港人的精神就是值得我們去學習，不管在甚麼項目及領域，每一個拚搏的人都值得我們尊重及學習，不在乎輸贏，只要拚盡全力，我在網球場上也是這樣。」相信Rex一定會收到各方好友的關心。