冠忠南區至今兩連勝，功臣之一的Michael坦言動力源自「陸太」的愛心料理！兩小口平日甚少在家「煮飯仔」，但「陸太」Melissa每次比賽之前都堅持為丈夫準備大餐：「每次比賽前，我哋都習慣喺屋企煎牛排煮意粉，等佢食吓住家飯，為比賽好好準備。」Melissa還透露一眾南區靚太及球員，賽後通常會結伴「食餐好」，慰勞在場上一眾揮灑熱血的球員。