人都未走！騎士迷照燒艾榮波衫

球壇最近盛傳騎士球星艾榮將會離隊，不過人都未走，網上已經流傳有騎士球迷嬲到燒波衫！呢個情境似曾相識，對上一次見到，應該係2010年勒邦占士由騎士加盟熱火嗰時喇。目前呢位25歲星級控衞去向未定，據《ESPN》報道，老牌勁旅馬刺、重組後活力十足嘅木狼、紐約人、熱火、快艇及太陽都已經正式向艾榮報價，究竟星落誰家相信好快有分曉。