新帥上任「楊光」下爭盃
來季將以主教練身份率領香港飛馬的楊正光表示，自己在中甲球會梅州客家擔任助教的經驗，對來季執教有所幫助：「自己喺眼界上擴闊咗，喺戰術、比賽安排同訓練上比較會諗多啲，球隊內有自己合作過嘅球員，所以返嚟飛馬對我一啲都唔陌生，希望可以畀多啲本地球員上陣機會。」
重用港U22兵挑戰列強
香港飛馬年輕球員如林樂勤、胡晉銘及蕭俊銘等，日前代表香港U22出戰「亞洲足協U23錦標賽」外圍賽，「光Sir」大讚他們表現，並坦言寄予厚望：「嚟緊喺聯賽會盡力爭取最好排名，希望以年輕球員去挑戰東方龍獅、傑志。年輕人多啲踢國際賽幫到佢哋進步，帶動埋喺球會表現愈來愈好，所以今年都對佢哋好大期望，尤其係U22（香港隊）嘅球員表現都好好。我哋今年外援年輕化，好多都係25、26歲，其中前鋒伊高擅於走位同射術埋門，希望（新援）為球隊增添活力。其實以往飛馬喺盃賽都有出色表現，希望來季盃賽可以攞番一兩個冠軍。」