150冰上精英匯聚Mega Ice
「亞洲公開花樣滑冰錦標賽」10年後重返香港，8月2日至5日假九龍灣Mega Ice盛大舉行，賽會昨日舉行記招公布詳情。是次賽事吸引中國、日本、南韓等15個國家及地區，共150位運動員參賽，港隊亦派出18位成員出賽。
港隊大師兄新招突圍
2014年歷史性為香港贏得「亞洲公開花樣滑冰錦標賽」銀牌的陳芊藍（Nicole）今次亦會參加，年僅14歲的Nicole表示：「今次主場作賽，希望爭取好成績，唔會特別有壓力，會做好自己。」另一位港隊新星鄺曉晴去年休學轉為全職運動員，她表示：「上次喺青年組拎第4名，今年首次轉戰成人組，會盡力表現最好。」
至於經驗豐富、曾奪得青年組第4的李厚賢（Harry）則透露最近練成「新招」：「兩個星期前練成高難度動作『Triple Flip Triple Toe（三周連三周跳）』，希望可以於今次賽事發揮水準。」23歲的Harry於2月日本札幌舉行的亞洲冬季奧運會獲150分，造出個人得分新高，這位港隊「大師兄」表示：「嗰次係我代表香港8年來最好成績嘅一次，未試過完成度達到95%以上，真係好難忘。為咗呢個4年一度嘅賽事，我休學一年專心溜冰，每星期練足6日，每次練8個鐘。」Harry直言：「訓練好辛苦，但呢樣係我鍾意做嘅嘢，亦為個人目標奮鬥。我覺得做人要有目標，冇目標，個人就冇火，哈哈！」