型男對決放笑蛋 羅拔臣技壓沙比
兩大桌壇型男放笑蛋！傷愈復出、以香港作為復出第一擊的沙比，與澳洲型男羅拔臣鬥球技之餘，又鬥魅力，難怪在場球迷都被呢對型男吸引住。
昨晚壓軸上演「型男對決」，由世界「一哥」沙比火拼墨爾本機器羅拔臣，兩位型男受歡迎程度都有得揮。沙比開賽初段已兩次被罰分，加上失誤頻頻，被羅拔臣先取兩局。不過就算於座位上沙比都不時放電，Chok樣實在太犯規！而羅拔臣嘅舉動就勁搞笑，佢喺第4局時就行錯位，想坐落沙比張櫈度，認真可愛！
最終深受球迷歡迎嘅都係沙比，呢位英格蘭球手腳趾受傷後復出，即使全場大部分時間表現麻麻，都仲得到球迷力撐，佢嘅歡呼聲完全超越羅拔臣。最後就算沙比以3比5不敵對手，無緣進身準決賽，相信佢對香港都會有個美好回憶。