「豪哥」畀料華人雙衞學到嘢

「細佬」梁諾恆今季加盟南華，惟球隊今季表現低迷，不時位置錯配串演右閘的他亦受批評，幸多得「豪哥」從旁鼓勵：「豪哥提醒我千祈唔好畀外界聲音影響表現，專注喺球場上踢好波就得。我會觀察佢用波同位置感，佢亦會提點我，幫我改善弱點。」至於徐宏傑近日操練才首度與「豪哥」過招：「豪哥提我喺個波嚟到前就要諗清楚點做，始終今次係我首度入選，難免驚青唔敢出聲，豪哥成日講笑撩我傾偈，等我冇咁緊張。」「傑仔」與「細佬」均表示明白現時多了入籍球員競爭激烈，但會盡力提升技術水平，加強心理質素及爭取國際賽經驗，希望能夠獲得上陣機會。