同「學界欄王」係好兄弟
講到九龍華仁近年學界體壇戰績，第一時間想起「學界欄王」張宏峰，這位剛以13秒97刷新110米欄香港紀錄的學界飛人，就是孫為倡的好兄弟，而且「飛人飛魚」連續3年同班兼一齊坐，是九華校園的風頭躉。
一齊踢波遭射斷手
「中三轉校過來，中四開始就同張宏峰同班到現在，雖然我們項目不同，彼此會有一段時間因出外比賽而『失蹤』，但見面時都會一齊玩同食飯。」孫為倡更大爆當年與張宏峰一次頑皮經歷，最後搞到自己手骨裂斷送院，相當大件事：「除咗游水同跨欄，我同阿峰都鍾意踢足球，一齊踢班際比賽，我負責守龍門，有一次賽前熱身，阿峰玩玩吓突然向我大腳抽射，我未做足準備去擋波，當場手腕骨裂要送院，並因此停止練水半年。」
雖然搞到斷手，但兩人仍然好好感情，每次比賽都互相鼓勵：「阿峰將會成為精英運動員，而我距離精英水平尚遠，但都希望有朝一日，我們兩人能夠一起代表香港，參加亞運及奧運等大賽。」