新人輩出 黃威要擺脫「年輕」枷鎖
港隊教練金判坤明言是時候換血，今次點兵，年僅21至23歲的陳俊樂、李毅凱、梁諾恆及黃梓浩獲徵召入決選名單，昨日操練一眾小將亦成傳媒焦點。面對後起之秀湧現，今年踏入25歲的和富大埔前鋒黃威直言需擺脫「年輕球員」枷鎖，加強信心挑戰常規大港腳位置。
望增強臨場信心
黃威與李嘉耀早於金判坤重掌港隊教鞭前，已獲前主帥摩力克提拔上大港腳，兩人當年只得19歲。惟黃威前年重傷斷腳，李嘉耀雖曾入選過世界盃外圍賽決選名單，但始終僅屬大港腳的邊緣人選。黃威坦言需突破樽頸：「25歲仲畀人嗌年輕球員，好尷尬！今季表現算係出道以嚟最穩定，起碼球場上判斷較以往準確，只係去到港隊比賽，臨場信心仲爭啲，希望可以再改善。」
由於伊達及林嘉緯均因傷缺陣，位置相若的黃威被「Kim Sir」點名為其中一個代替人選，他強調會平常心對待：「伊達身體對抗強，嘉緯傳送獨到，自己希望先做好本分，做到教練部署。」