專欄輪住嚟：轉投飛馬見番初出道自己
大家好，我係「陳7」陳肇麒……Sorry，唔係，係「陳18」先啱！轉會到香港飛馬都差不多兩個月，最大感受係香港飛馬所有球員嘅活力，因為球隊裏面有好多後生仔，大部分仲係「90後」。當我同佢哋一齊練習或者比賽，就好似見到10幾年前啱啱出道嘅自己，感覺好特別。
5‧3菁英盃決賽 記得捧場
另外，我仲想喺呢度提早呼籲各位球迷朋友，5月3日上演嘅菁英盃決賽，香港飛馬將會同和富大埔爭冠軍。一隊係我依家效力嘅球會，另一隊就係我母會，如今呢兩支球隊喺決賽相遇，同樣感覺好奇妙，唔係筆墨可以形容。最緊要係我嘅前球會已經好耐無捧過盃喇，今次希望可以幫香港飛馬捧盃，令放棄我嘅人失望，令支持我嘅人開心！
香港飛馬球員 陳肇麒