希比亞貼紅軍4：0爆廠
利物浦5位名宿希比亞、路爾斯加西亞、麥卡迪亞、貝加及史米沙昨現身太古城，5人將留港至星期日，近距離與廣大利迷見面，又輪流出席簽名會滿足球迷需要。幾位球星遠道來港，前隊長希比亞及攻中路爾斯加西亞接受《東網》訪問，談到「紅軍」近況有唔少意見，並有信心今季能打入聯賽前4，至於本周大戰阿仙奴，希比亞貼紅軍可贏「兵工廠」4比0！
5位球星在利物浦都有輝煌過去，先講成功之道，路爾斯加西亞指出：「我們成功是因為球員與球員之間合作無間，感情深厚，我去過6、7個國家比賽，利物浦是我職業生涯其中一間最成功的球會，捧過4隻盃（歐聯、歐超盃、足總盃、社區盾）。」
今季利物浦高開低走，近況回落，老大哥希比亞道出心聲：「聯賽漫長，每隊都有黑暗期，好的球隊會將黑暗期盡快結束，當球隊落敗、或遇到低潮時間，隊長（佐郭軒達臣）就要企出來，我亦對德國籍領隊高普有信心，相信他能令球隊重上正軌。」
加西亞：入前4冇問題
今季聯賽爭標渺茫，但兩人相信利物浦可保住前4位置，本周聯賽對阿仙奴是一次重振士氣的好機會，希比亞表示：「我信任利物浦球員，信任相當重要，如失去信任便甚麼都做不到。」要他們估比數，路爾斯加西亞認為贏波就可以，希比亞則開玩笑：「贏4比0吧，誰入球都可以，米洛列特兩球、卡利奧斯兩球（兩位後備守門員）。」
對於會否重返晏菲路執教，有教練經驗的希比亞坦言沒有計劃，必須利物浦發出邀請才成事；至於去年仍效力澳職中岸水手的路爾斯加西亞，現時則享受足球踢「衞生波」，亦有參與利物浦及巴塞隆拿元老賽。