自小已受爸爸同哥哥（東方龍獅球員曾至孝）影響，四、五歲已落街一齊踢波，由於爸爸和當時嘅「阿哥」都係前場球員，自己順利成章成為前鋒，起初只在爸爸創辦嘅駿馬體育會學踢波，當時有不少現役球員在陣，包括曾至孝、葉鴻輝、陳文輝、曾錦濤、黃俊皓等。
17歲起當過三年職業足球員，先後效力傑志、港菁同晨曦，之後去咗兩年澳洲Working Holidays，喺農場餐廳工作過，亦都有參加當地足球聯賽，球隊叫Dandenong City，係一個十分唔錯嘅體驗。返港後加入油尖旺半個球季，跟住嗰季一心為球隊爭升班，可惜開季無耐就重傷斷腳，足足休息咗一年。
康復過程只靠自己去搵醫生同物理治療，一度以為自己足球生涯劃上句號。今季前收到邀請膽粗粗北上R&F富力一試，最後如願取得一紙合約。當初只抱住一季有兩三次出場機會便心足，因自己嘅身體狀態未完全達標，幸好經過一輪努力，教練李志海同梁志榮幫助下，令身體超出預期強壯番，至今13場比賽上陣12次，希望最後協助球隊護級成功。今次重返頂級聯賽，其中一個心願就係同哥哥同場比賽，有朝一日可以並肩作戰！
R&F富力球員 曾健晃