足總想邀皇馬8月訪港

今個夏天,香港可能變睇波天堂!除之前傳過嘅英超挑戰盃或會於7月尾在本地上演外,為慶祝「7‧1」20周年,足總現正同多支當時得令嘅歐洲球隊聯絡,希望請到一支歐洲勁旅喺8月來港獻技。足總副主席貝鈞奇表示,足總正力邀心目中嘅勁旅來港,他個人當然希望可以請到皇家馬德里級數嘅球隊,最好就梗係「新萬人迷」「C朗」都可以隨隊,到時一定拍得住皇馬14年前訪港咁墟冚。