靠細路尋回初衷

「明仔」在迷失時能夠找回初衷,原來背後與一班小朋友有關。效力傑志時雖然上陣時間不多,但「明仔」感激球會給予他教小朋友踢波的機會,令他重拾踢足球的動力:「見到學生就好似見到自己細個嗰陣,佢哋好鍾意踢波,令我好有心機去教,同佢哋一齊過得好開心!」

教波教到自己都生性

亦師亦友,「明仔」坦言與學生已培養出一種親密的關係,去年「明仔」於一場亞協盃比賽中上陣,一班學生親身入場支持,令他感動不已:「當時見到學生為我打氣,真係好感動,佢哋係我嘅忠實Fans,又非常聽話,好多謝佢哋,到依家我都好掛住呢班學生。」

多一個教練身份,「明仔」亦學識從多一個角度出發,現時練波會考慮自己的表現及行為在教練眼中的印象,他直言因此生性不少。雖然出道時間不長,但對教波有興趣的「明仔」希望將來可再在這方面發展:「我未必係一個好叻嘅球員,但我嘅見識已經比細個多好多,希望未來可以將自己嘅得着傳授畀小朋友。」