入決賽穩袋29萬 重返前10
38歲嘅傅家俊去年贏得非排名賽直布羅陀公開賽冠軍後，一直都同決賽無緣，上次打入大型排名賽決賽係2013年嘅國際桌球錦標賽，可惜當時以9比10不敵中國球手丁俊暉。
連同4強對于德陸嘅第5、第6局分別打出一Cue 100度及130度，Marco喺今次比賽已經10次造出「一Cue過百」，包括暫時為止賽事最高度數嘅142度，有機會贏埋「一Cue最高」嘅2千鎊獎金。
傅家俊無論喺決賽贏定輸，最新公布嘅世界排名都肯定重返前10名，對佢嚟講係一份最佳嘅聖誕禮物。截至昨晚截稿為止，傅家俊於決賽首節對4屆世界冠軍兼東道主球手希堅斯，暫時以局數2比4落後。