香港飛馬 冠忠南區 變法大作戰
上季尾帶領香港飛馬連捧兩盃的英超級名帥奇雲邦特，陣上多次出人意表的部署，讓人留下深刻印象。去仗作客東方龍獅，奇雲邦特繼續「估你唔到」本色，安排中堅艾華度串演箭頭，與查維斯合演「雙中鋒」，惜最終僅以1比2敗陣。「教練嘅排陣絕對有其用意，其中一個目的就係唔想咁易畀對方估到。效果如何？我覺得落場球員已跟足部署，只係發揮應該可以再好啲。」身兼行政領隊、助教及球員的文彼得稱。
對於今仗排陣，「Peter仔」指奇雲邦特自有打算，但肯定的是，兩屆「澳門足球先生」梁嘉恆的上陣機會將愈來愈多，Peter稱：「『嘉恆』好勤力，態度又好，技術同身形兼備，最緊要唔佔外援額，嚟緊大把世界！」文彼得重申雖然冠忠南區的反擊頗利害，但不代表香港飛馬的排陣會傾向防守，總之繼續「估你唔到」！
鄭兆聰：2連勝信心返晒嚟
冠忠南區方面，主帥鄭兆聰指經過近兩場勝仗，球隊已回復了不少信心，希望今場作客可搶分成功：「香港飛馬近兩場都排出唔同陣式，上場安排中堅出任中鋒，但我哋唔會諗太多，做好自己最緊要！球隊信心好番好多，傷兵仍只得杜馬思一個，雖然兩隊實力好接近，但我對冠忠南區有信心！」預計復出後狀態不斷提升的「握手哥」梁子駿會續任正選，與迪基圖和劉學銘等組中場線抗敵。
（on.cc東網周日下午5時30分直播）