D1籃球引爆修頓 男拔英華今晚爭霸！

關洛賢葉耀邦老友過招

過去4年，男拔和英華曾3度在決賽碰頭，男拔以2勝1負稍佔優，今年兩隊在小組賽全勝出線，4強同樣大勝對手晉級決賽。拔萃男書院今年有主將楊睿騏離隊，由上年MVP葉耀邦領軍，加上另一個「高佬」連志玉，籃底雙塔的攻勢最為凌厲。談到爭取4連霸的信心，葉耀邦表示：「其實都係五五波，因為英華今年有關洛賢加入，內線實力增強，但我哋仍然會盡全力爭取連霸！」

英華書院今年沿用去年班底，本來已經默契十足，加上有關洛賢由寶覺中學轉校來投，實力更加雄厚。關洛賢由小組賽開始，已經逐漸融入球隊，今年讀中五的他，當然希望幫一班中六師兄奪冠圓夢：「依家同球隊夾到7、8成，隊友知道點樣可以分到波畀我。」

場內是競爭對手，原來場外關洛賢與葉耀邦十分老友，關洛賢表示：「由B Grade到依家，已經同葉耀邦對過好多次，好熟悉佢嘅打法，希望可以Mark到佢。加上球隊會有特別部署，例如協防同夾擊，會盡量減低佢喺籃底嘅得分。」