又炒鑊甘！快艇「淨勝分」冠聯盟

籃網冇J.Lin由頭輸到尾

由於籃網有林書豪（J.Lin）養傷缺陣，造就快艇打得更輕鬆，第1節以接近6成命中率攻入39分，最後基斯保羅取得21分、4個籃板同9次助攻，格芬亦有20分、6個籃板同6個助攻，協助快艇由頭贏到尾，最終以32分大勝，連贏7場戰績位列聯盟第1位。

事實上，快艇今季的出色表現，已令勇士教練卡爾視為西岸頭號敵人：「我對佢哋表現出嘅穩定性感到震驚，不過佢哋咁快進入狀態，而且發揮得咁好，一定有理由，畢竟佢哋嘅主力陣容，已經合作咗好長時間。」

同日，雷霆作客以88比104不敵活塞，韋斯布克21投11中，取得33分、15個籃板同8次助攻，但因為有7次失誤，令到其他隊友難以作出配合，雷霆慘變一人球隊，即使「潮韋」個人數據相當出色，依然難阻雷霆連輸4場。