冠忠南區過關 4強鬥東方龍獅

夏志明睇完「A山」起孖後勁有Feel，結果真係學到足。

開賽4分鐘，蘇沙在禁區內左腳射遠柱破網，為冠忠南區領先1比0，但港會在11分鐘迅即扳平，羅比高接應隊友傳中門前近射入網得手追和1比1，37分鐘沈國輝右路傳中，梁子成後上撞射破網，為南區再度領先2比1完半場。下半場輪到「子彈」夏志明發威，他在55及58分鐘建功梅開二度，加上後備入替的禾達於80分鐘「埋齋」，冠忠南區最終以5比1大勝晉級，4強將鬥東方龍獅，亦為上屆決賽翻版戲碼。

「睇完阿仙奴勁有Feel」

冠忠南區今仗大勝，表現最開心最激動就是「子彈」夏志明，原來他開季至今兩個月仍未入波，好擔心無法開齋令自己壓力倍增，幸好今場不但取得入球，更是「打孖嚟」，當堂輕鬆晒。原來他今場大爆發，是與之前一晚英超阿仙奴大勝新特蘭4比1有關，他說：「比賽前夕睇完阿仙奴贏波，阿歷斯山齊士入兩粒，當時覺得好有feel，希望今場學佢咁，結果真係能夠入兩球。」夏志明坦言壓力得到釋放，下場聯賽將以最佳狀態鬥九巴元朗。

冠忠南區基奧（右）為保護皮球奮不顧身。

冠忠南區 5:1 港會 蘇沙（左）今場亦有1球進帳。